INENTINGSPROGRAM VIR BEESTE

Die volgende program dien as riglyn vir beesboere in die Rustenburgdistrik. Na gelang van omstandighede kan die program aangepas word; kontak gerus u veearts vir meer besonderhede.

INHOUDSOPGAWE

KALWERS


1) Onder drie weke oud Hartwaterbloed en kalwerparatifus
2) Vier maande oud Spons-/lamsiekte; Miltsiekte
3) Een maand later Herhaal Spons-/lamsiekte; Besmetlike misgeboorte(Brucella S19 — slegs verse)
4) Een maand later Knopvelsiekte ; Brucella RB51 (slegs verse)
5) Twee weke na speen Lewendige BVD kombinasie
6) Een maand later Lewendige BVD kombinasie

Probeer om die entstowwe onder punte 2 tot 4 voor speen toe te dien, aangesien kalwers direk na speen onder baie stres verkeer en dan nie goed sal immuniseer nie.

VOLWASSE DIERE


Jaarliks in vroegsomer Spons-/lamsiekte, Miltsiekte
Drie tot vier weke later Knopvelsiekte
Melkkoeie en bulle (Kan saam met Knopvelsiekte gegee word)Drie-dae-stywesiekte
Verse een maand voor na bul gaan en koeie drie weke na kalwingLewendige BVD kombinasie

OPSIONELE ENTSTOWWE


Drie-dae-stywesiekte Dien aan vleiskoeie toe indien daar baie vleie en oop damme op die plaas voorkom.
Slenkdalkoors (geïnaktiveerde entstof)Goeie reënjare.
Campylobacter (Vibriose)Een maand voor teelseisoen indien kudde of buurplase besmet is.

VOERKRAALDIERE EN FASE D BULLETJIES


Hier word aangeneem dat die kalf reeds al die inentings soos onder KALWERS bespreek, ontvang het

Ses weke voor toets of verkoop Mannheimia (Pasteurella) en virusasemhalingsiekte-kombinasies
Drie weke voor toets of verkoopTweede Mannheimia en multiklostridiale inenting.

Hierdie entings moet verkieslik gedoen word voordat die kalf in die voerkraal of Fase D ingaan.

BELANGRIKE INLIGTING

  1. Ent slegs diere in goeie kondisie en moenie diere wat onder stres is ent nie.
  2. Alle entstowwe is biologiese produkte en moet te alle tye koel gehou word, veral wanneer daarmee in die kraal gewerk word.
  3. Moet nooit entstowwe meng nie.
  4. Probeer om so skoon moontlik te werk, veral wanneer 'n siekte-uitbraak vermoed word.  In so 'n geval moet 'n steriele naald vir elke dier gebruik word.
  5. Inenting beteken nie volledige immuniteit in alle gevalle nie.
  6. Moet nooit antibiotika saam met lewende bakteriese entstowwe (miltsiekte, besmetlike misgeboorte) toedien nie.
  7. Wees ekstra versigtig met die entstof van besmetlike misgeboorte (brusellose) — hierdie entstof kan mense siek maak indien toevallig daarmee ingespuit.
  8. Lees altyd die instruksies op die entstofpamflet. Maak seker van die roete van toediening asook die dosis en maak seker dat dragtige diere geënt kan word.
  9. Ontsmet die spuite en naalde vir inenting liewers deur vir 15 min te kook. Ontsmettingsmiddels kan die entstof inaktiveer in die geval van lewende entstowwe.  Die gebruik van wegdoenbare spuite en naalde word aanbeveel, veral wanneer Brucellose gespuit word.