Parvovirus of "Katgriep" in honde

Dr W J Grobler BVSc


  1. INLEIDING
  2. OORSAAK
  3. SIMPTOME
  4. DIAGNOSE
  5. BEHANDELING
  6. VOORKOMING

1. INLEIDING


Die naam Katgriep is baie misleidend aangesien die siekte nie van katte na honde kan versprei nie, hoewel katte Ďn soortgelyke siekte kan opdoen. Verder word die dermkanaal aangetas en nie tipiese griepsimptome gevind nie. Die siekte kom meer algemeen in droeŽ, winderige toestande voor en tas hoofsaaklik jong honde aan, hoewel enige hond wat nog nie blootgestel was aan die virus nie, kan siek word. Selfs met die beste behandeling is daar 'n persentasie diere wat nie herstel nie en is inenting dus geweldig belangrik in die voorkoming van die siekte.


2. OORSAAK

Hierdie ernstige siekte word deur een van die kleinste siekte-organismes bekend veroorsaak ó Ďn virus met die naam Honde Parvovirus (Parvo beteken klein) Die virus is so klein dat ongeveer 300 duisend langs mekaar in Ďn millimeter pas!

Ten spyte van die virus se grootte is dit een van die taaiste virusse ó onder gunstige omstandighede kan dit tot 2 jaar in die omgewing oorleef. Die virus kan selfs op Ďn persoon se skoensole gedra word en dit is ook die wyse waarop die siekte in 1978 binne Ďn paar maande regoor die wÍreld versprei het.

Geweldige groot getalle virus word in die braaksel en mis van siek diere aangetref. Een gram mis bevat genoeg virus om meer as 10 miljoen honde aan te steek!

Die virus benodig sekere ensieme wat net in vinniggroeiende selle voorkom. Die selle aan die binnekant van die dermkanaal groei geweldig vinnig, soveel so dat die binneste lagie van die dermkanaal elke twee tot drie dae vervang word. Namate die virus in hierdie selle verdeel word die selle vernietig en ontstaan groot areas van beskadigde slymvlies waardeur liggaamsvloeistowwe en selfs bloed sypel en bakterieŽ wat normaalweg onskadelik is die liggaam binnedring.


2. SIMPTOME


Die simptome verskyn gewoonlik skielik en honde kan binne Ďn paar uur doodgaan. Diere wat wel teenliggame het teen die virus sal die siekte in Ďn ligter graad opdoen. Hoewel dit deesdae selde gebeur, kan die virus die hartspier aantas met noodlottige gevolge.

Tewe met goeie weerstand dra teenliggame oor aan die fetusse in die baarmoeder. Hierdie weerstand sal die meeste klein hondjies vir Ďn tydperk van ses tot twaalf weke beskerm, maar ten einde daarna beskerm te wees moet die diere tydens hierdie periode blootgestel word aan die virus. Dit is daarom van die uiterste belang dat gesonde hondjies soos die outjie langsaan op ses weke teen die siekte ingeŽnt word en vier weke daarna Ďn skraagdosis (booster) ontvang. Op hierdie stadium bestaan daar nie vrylik beskikbare middels wat virusse doodmaak nie en word die behandeling dus slegs daarop gemik om ontwatering te beperk en om bakterieŽ wat die derm verder beskadig in toom te hou.

Dit bly een van die frustrerendste probleme waarmee die veearts te kamp het, alhoewel baie goeie entstowwe beskikbaar is. Baie moeite en verdriet kan voorkom word as honde-eienaars net hul diere betyds laat inent.


3. DIAGNOSE

In die meeste gevalle is die geskiedenis en simptome baie verdag vir 'n diagnose. Daar is egter maklike toetse deesdae beskikbaar wat die virus in mis optel. Alhoewel hierdie toetse soms vals positiewe resultate gee, is dit 'n baie goeie hulpmiddel om te besluit of die diertjie wel Parvo het.


4. BEHANDELING

Daar is huidiglik geen goedkoop inspuitbare middels wat virusse in die liggaam doodmaak nie, dus is daar geen spesifieke behandeling as die virus eers in die liggaam is nie. Die behandeling behels daarom die onderdrukking van bakterieŽ in die dermkanaal, voorkoming van braking en die herstel van die voginhoud van die liggaam.


5. VOORKOMING

Dit is uiters belangrik dat tewe waarmee geteel word, op 'n gereelde basis inentings ontvang. Klein hondjies moet vanaf ses weke ouderdom teen die siekte ingeŽnt word en elke vier weke daarna tot hulle veertien weke oud is. Indien u 'n hondjie op die erf gehad het wat aan diť ernstige siekte dood is, moet u probeer om alle soliede oppervlakke met chloor of 'n sterk ontsmetmiddel soos F10 te ontsmet. Moet onder geen omstandighede weer 'n hondjie wat nie ten minste twee inentings gehad het op die werf bring nie. Die virus is redelik hardnekkig en kan baie lank in die omgewing oorleef. Met behoorlike inenting kan die siekte tot 'n groot mate gestuit word!